من عاداتنا............ تحشيش (ممنوع دخول اصحاب وجوه النكدة)

هظاك المرظ

أبو فوزي: اه يام فوزي .. وين كنتي لحد هسّه ؟؟ " ام فوزي داشرة " من عاداتنا............ تحشيش (ممنوع دخول اصحاب وجوه النكدة) Nosweat

أم فوزي: والله بكيت بعزّي بام انور .. المسخمة اعطتك عمرها !

ابو فوزي: لا حول ولا قوة الا بالله! المسكينة كيف ماتت؟ اكيد راحت جلطة ! " فهمان ليش الحكي " من عاداتنا............ تحشيش (ممنوع دخول اصحاب وجوه النكدة) Idontknow

من عاداتنا............ تحشيش (ممنوع دخول اصحاب وجوه النكدة) Idontknow

ام فوزي: لا والله .. يا ريت جلطة ! ماتت بهظاك المرظ! " هون الفهم الصح " من عاداتنا............ تحشيش (ممنوع دخول اصحاب وجوه النكدة) Nosweat

ابو فوزي: انوا مرظ؟

ام فوزي: هظاك المرظ!

ابو فوزي: انوا مرظ يا حرمة؟ فلوزت الولّية وما قدرت تستحمل فماتت؟"الفلوزة مرظ خطيييرهههههههههه" من عاداتنا............ تحشيش (ممنوع دخول اصحاب وجوه النكدة) Nosweat

ام فوزي: لأ لأ .. هظاك المرظ !

ابو فوزي: يا بنت الناس انوا واحد؟ " وفي رواية اخرى انجلط ابو فوزي ومات شهيدا "

- عادات وتقاليد

بينك وبين ابوك
ترجع بنصاص الليالي كل يوم، بيعمل حاله نايم عشان ما يكسرش القشاطة على راسك،
تضيع تعبه ودم قلبه وهو بيدرسك بجامعات وكليات،
وفي الاخر تقوله: "يابا .. انا نفسي اصير شوفير تاكسي"،
يعني برظو هاي ممكن تسلك، قسطرة صغيرة بنفتح ال اكم شريان الي سكرتهم،
بس انك تيجي، وبكل صفاقة ووقاحة وقلة حيا،
تولع سيجارة قدام أبوك!!! لا خيّوَّ!! لا هون وبس، نقطة وصطر جديد،
يعني حتى لو انها السيجارة من بوكيت ابوك،
وماخذها قدامه، بس برضو، بنظل كمجتمع شرقي عنا عادات وتقاليد مستحيل نتخلى عنها!! هههههههههههههههه

ناس بتفهم:

هاد الشي كتير ملاحظ بالشعب تبعنا، بيفهم بكل اشي اسم الله حولو،
من الكتكت تبع ماسورة الحمام، لسياسة جورج دبليو بوش بالشرط الأوسط،
شو ما حكيت، بينطلك واحد بيقولك "غلطان!" الشغلة كيت كيت كيت كيت،
واذا كنت فاهم شوي بالموضوع، او بلشت تفهم، بتبطل فاهم اشي .

والمشكلة، انه احنا كتير (فريندلي سمتايمز)، يعني بتشوف جارك وانتا طالع،
بسألك "عا وين يا جار" بتحكيلوا " والله رايح اجيب واحد ايزبطلي هالماسورة
" بجحرك وبيقولك " يا زلمة هيي صنعة، هسه بنسوكجلك اياها"
وبروح بيفكفك كل اشي في براغي، بتصفي عايش بسيل الزرقا مش بداركو،
وفي الاخر بيقولك: "اه والله، شكلوا بدها واحد شاطر" من عاداتنا............ تحشيش (ممنوع دخول اصحاب وجوه النكدة) Nosweat

.. يا فرحتي، بيكفي القهوة والشاي اللي صفقهم .

ويا حبوا بالسياسة، كلها بتحكي سياسة، يعني لو ابو نورس،
الشوفير تبع باص رغدان – السلط رقم 29، كان محل صدام حسين ايام الحرب،
كان مش بس هزم الامريكان، وبيجوز رجّع فلسطين بطريقه .

من الاردن :

أنك تكون ماشي عال الخط السريع .. وفجأة الشارع يصير أزمة،
ولا هي ترويحة موظفين ولا هي سيارة بتقزدر على اليمين تطقّس عال صبايا،
وبعد نص ساعة من الازمة، بتكتشف انه صاير حادث!
بس الحادث على السايد الثاني .. وكل هال الازمة لانه العالم
بتهدّّي عشان تشوف كيف ووين ومين وليش صار الحادث!
وبيحاولوا يحللوا انه الحق على مين وهاد ضاربوا من ورا وهيك،
المشكلة انّك بتصير تسبسب وتلعن، وبس توصل بمحاذاة الحادث،
إلا ما تهدّي عشان توخذ نظرة انت الثاني

- أنه العالم تاخذ الامور بشكل مسّلم به، ويا ريت بس هيك،
لأ لازم شوية إضافات من كل واحد
... يعني بيجي "أ" من الناس بخبّر "ب" أنه: الجمرك على السيارات راح ينزل باخر السنة!
بيروح "ب" مخبّر " ج" .. و "ج" مخبّر "د" وهكذا ..
المهم بالاخر بتقعد مع "ع" من الناس وبيحكيلك: يا زلمة راح يلغوا الجمرك
كلّوا من هون لشهرين! وعرظ اختي قرأتها بالجريدة من يومين!

- أنك تكون بعرس، المعازيم بحدود 300 ، وفجأة ..
بعد ما يخلص البوفيه، ما بيضلّ غير 30 واحد تقريبا، اللي همّه المقربين،
والباقي بياكل اخر لقمة وهو على باب الأوتيل! طب ارقصولكوا رقصة قبل ما تروحوا
.. مش انه عشان تفرحوا بالعرسان، اقل ما فيها تهضموا الصخماط االلي طفحتوه !

- أنك مستحيل تطلع مع شوفير تكسي وتفتح معه أي موضوع،
إلا يكون بيفهم فيه أكثر من أي حدا تاني، حتى المختصّين بالموضوع أنفسهم، من عاداتنا............ تحشيش (ممنوع دخول اصحاب وجوه النكدة) Nosweat

ومش بعيدة يطلعك حمار بالاخر من عاداتنا............ تحشيش (ممنوع دخول اصحاب وجوه النكدة) Hah

طب مهو انت ليش فتحت معه الموضوع من اساسه؟
معه حق يطلعك حمار بلا مؤاخذة

نقوط

يعني زمان، كان الواحد يتزوج بكل بساطة،
بدهاش صالات و بيت ايجار و ديجيتال ريسيفر ومش عارف شو،
راس مالها لبنتين فوق دار اهلك، وحصيرة وفرن طابون،
ومشوار على الاحوال المدنية،

بس مع مرور الوقت، صارت الشغلة اصعب، واذا مش قد حالك،
معناتو بتقعد في داركو وبتستنا يجيك العدل (بفتح الدال )
وهون بيجي دور النقوط، واللي صار الو دور اهم من العريس نفسه
(مع انه بتعب هاد التاني )،
وعشان تضمن نقوط محرز، بدك تراعي كتير شغلات :
- تعملش العرس باخر الشهر، ما حادا بتطلع بسحنتك .
- اعمله مختلط، الشباب بتستحي، واللي بدوش ينقط بينقط .
- تعملوش خلال رفع البنزين والمحروقات، "مع انهم برفعوه كل 3 أسابيع من عاداتنا............ تحشيش (ممنوع دخول اصحاب وجوه النكدة) Nosweat

" ،
بس دبر حالك .
- اذا عملت العرس بالصيف، بتضمن كل افراد العيلة المتغربين ييجو،
بس برضه الصالات بالصيف اغلى بالضعف، صفت هي هي .
- حاول تعزم اللي معهم مصاري، مش ضروري صحابك المقحطين ييجوا،
بتورجيهم صور العرس وخلصت فكّت،
اصلن هادول بيجوا ياكلوا جاتوه ويشربوا بيبسي،
ويا حبيبي اذا غلطت وعملت بوفيه،
كل واحد منهم بجيب العيله كلها، قال ايش: "والله حبّوا يفرحولك "
- كما تدين تدان ولو بعد حين
يعني بحبح ايدك لما تكون معزوم على اعراس اللي بتعرفهم،
بلا من 10 ليرات يا سيدي .

المصيبة، انك في الاخر رح تصرفهم لما تنزل على شرم الشيخ
ولاعلى البحرالميت ، بشهر عسل، يعني مطرح ما شوسمو، شنقوه

هههههههههههههههههههههههههههههههههههههههههههههه

والله نكت صح

مشكورة على المشاركة الجميلة

أن شاء الله
موفقة بالتوجيهي

ههههههههههههههههههههههههههههههههههههههههه
حلوة كتير
قريتها كلها وعنجد روعة
وبتضحك كتير
والحلو فيها لغتها

صميل غزة كتب:: والله نكت صح

مشكورة على المشاركة الجميلة

أن شاء الله
موفقة بالتوجيهي

مشكور للمرور
واذا توفقنا بالتوجييهي الكو الحلوان

فلسطيني كتب:: ههههههههههههههههههههههههههههههههههههههههه
حلوة كتير
قريتها كلها وعنجد روعة
وبتضحك كتير
والحلو فيها لغتها

لله يحلي ايامك
الله يعطيك العافيه على قرائتها كلها
ههههههههههه
مشكور للمرور

» اليوم الأول من فتح معبر رفح .. دخول 14 سيارة إسعاف و3 حافلات تقل مرضى وطلبة
» يديعوت احرونوت: حماس تستعد لتنفيذ عملية استراتيجية كبرى من قطاع غزة "تشمل دخول بلدة ا